Skrifstofa sveitarfélaga og byggðamála

Skrifstofustjóri: Aðalsteinn Þorsteinsson
Staðgengill skrifstofustjóra: Guðni Geir Einarsson

Meginhlutverk skrifstofunnar eru á sviði stefnumótunar í sveitarstjórnarmálum og byggðamálum. Þá annast skrifstofan eftirlit og umsjón með stjórnsýslu og skipulagi sveitarfélaga og ríki í héraði.

Helstu verkefni

Sveitarstjórnarmál

Skrifstofan sinnir stefnumörkun, þróun löggjafar og regluverks og margvíslegri framkvæmd ýmissa laga sem varða sveitarstjórnarmál, einkum sveitarstjórnarlög og lög um tekjustofna sveitarfélaga. Helstu viðfangsefni skrifstofunnar á þessu sviði eru:

• Verkaskipting ríkis og sveitarfélaga.
• Almennt stjórnsýslueftirlit með starfsemi sveitarfélaga.
• Eftirlit með fjármálum sveitarfélaga og söfnun fjármálaupplýsinga.
• Samskipti ríkis og sveitarfélaga, m.a. samráðsfundir og samstarf á sviði efnahagsmála.
• Samstarf, sameiningar og svæðasamvinna sveitarfélaga. 
• Tekjustofnar sveitarfélaga (útsvar, fasteignaskattur, Jöfnunarsjóður sveitarfélaga og þjónustutekjur).

Jöfnunarsjóður sveitarfélaga 

Hlutverk Jöfnunarsjóðs er að jafna mismunandi útgjaldaþörf og skatttekjur sveitarfélaga með framlögum úr sjóðnum á grundvelli ákvæða laga, reglugerða og vinnureglna sem settar eru um starfsemi sjóðsins. Þá greiðir sjóðurinn framlög til samtaka sveitarfélaga, stofnana þeirra og annarra aðila í samræmi við ákvæði laga.

Byggðamál

Skrifstofan annast mál á sviði svæða- og byggðamála, svo sem rannsókna, atvinnuþróunar og atvinnuþróunarfélaga svo og um byggða- og sóknaráætlanir.

Póstmál og Þjóðskrá Íslands

Önnur lykilverkefni skrifstofunnar eru póstmál, málefni Þjóðskrár Íslands.